Порталот HowMuch.net објавува интересна инфографика за земјите кои се лидери во извозот на компјутерски уреди.
Според податоците за изминатата 2019 година Азија, Европа и Северна Америка доминираат на извозниот пазар за компјутерски уреди, додека Јужна Америка, Африка и Блискиот исток се присутни со по една земја на оваа листа – Бразил, Јужна Африка и Обединетите Арапски Емирати.
Кина е убедливо најголем извозник на компјутерски уреди и компоненти во светот со 148 милијарди долари годишен извоз, што претставува повеќе од 40% од вкупниот глобален пазар. Кинескиот вкупен извоз не ги вклучува Хонг Конг со извоз на компјутери вреден 21 милијарда долари и Тајван (9 милијарди долари).
Мексико има втор најголем удел на пазарот со 32 милијарди долари извоз или околу 8,7% од вкупниот извоз на компјутери во светот, додека САД се на трето место со вредност на извозот на компјутерски уреди и компоненти проценета на 26 милијарди долари.
Многу различни компании произведуваат компјутери и паметни телефони, а многумина ги набавуваат своите микрочипови од Кина, вклучувајќи го и „Епл“, а факт е дека светот се потпира на Азија кога станува збор за производство и извоз на компјутери, чипови и паметни телефони.
Од земјите на ЕУ кои имаат дел од овој пазар, лидер е Холандија со извоз од 28 милијарди долари во 2019 година, Германија со 15 милијарди долари и Чешка со 13 милијарди долари.
