Со изменување и дополнување на одлуката за привремена забрана за преминување на границата, Хрватска ќе им овозможи на граѓаните на Словенија, Унгарија, Австрија, Чешка, Словачка, Естонија, Литванија, Латвија, Германија и Полска влез во земјата, објави хрватскиот премиер Андреј Пленковиќ.
„Според нашата анализа и епидемиолошки компаративни слики, ова се земјите каде што постои или сличен напредок како во Хрватска или трендовите се такви што можеме да донесеме таква одлука и да овозможиме со соодветни епидемиолошки препораки и специјална апликација што е веќе направена, доаѓање на граѓани од овие земји“, рече Пленковиќ на седницата на Владата.
Како што ќе се подобрува ситуацијата, вели Пленковиќ, целната група на земји што можат да дојдат во Хрватска ќе се проширува.
