Кина бара начини да ја намали својата зависност од странските пазари и технологија за нејзиниот економски развој, бидејќи американското непријателство и глобалната пандемија ги зголемуваат надворешните ризици што можат да го попречат долгорочниот напредок на земјата, велат неименувани владини советници за Ројтерс.
Кинеските лидери предложиле модел на раст т.н. „двојна циркулација“ , со кој би се дало приоритет на „внатрешната циркулација“ за зајакнување на домашната побарувачка, која би била надополнета со „надворешна циркулација“.
Станува збор за стратегиска промена кон поголемо потпирање на локалната побарувачка и технолошки развој, иако домашните синџири на снабдување ќе бидат изградени делумно со помош на странски инвестиции.
„Кинеското раководство го покрена концептот„ внатрешна циркулација “бидејќи ситуацијата стана мрачна на глобален план, иако целосното потпирање на „внатрешната циркулација“ е малку веројатно“, велат кинески владини советници за Ројтерс.
Кина веќе се обидува да ја ребаланси својата економија и да ја намали зависноста од извоз и инвестиции, кон економија чиј раст ќебиде поттикнат од поголема потрошувачка.
Минатата година, вкупниот извоз и увоз учествуваа со 32% од Бруто домашниот производ (БДП) на Кина, што претставува намалување од рекордните 64% во 2006 година.
Стратегијата за „двојна циркулација“ може да стане клучен приоритет во петгодишен план на владата (2021-2025), кој се очекува да биде дискутиран и одобрен од лидерите на Комунистичката партија во октомври,.
Тековниот петгодишен план, кој завршува годинава, се фокусира на оддалечување од традиционалната и загадувачка индустрија, зајакнување на технолошките иновации и градење на умерено просперитетно општество.
Во 1978 година, тогашниот кинески лидер Денг Ксијаопинг иницираше историски реформи и политики за отворање, отворајќи го патот за трансформација на земјата од дипломатски изолирана држава во втората по големина економија во светот. Економистите предупредуваат дека кинеската економија може да стагнира ако не успее да го крене синџирот на вредности, бидејќи се соочува со зголемена конкуренција од земји со напредни технологии и пониски трошоци за работна сила.
