„Визер“ денес објави дека постепено се отвораат седум линии до четири дестинации, од двата македонски аеродрома. Првиот од обновените летови беше на 23 мај.
Земји во кои „Визер“ повторно ги отвора летовите се Франција, Германија, Австрија и Шведска. Така, Македонија повторно се поврзува со Париз Бове, Базел-Мулхаус-Фрајбург, Фридрихшафен, Дортмунд, Виена, Карлсруе/Баден-Баден и Малме.
Од компанијата истакнаа дека продолжуваат со безбедносните протоколи во авионот и ефективниот систем за вентилација. Системот за вентилација со кој е опремен авионот е дизајниран за целосно менување на воздухот во кабината 20 пати на час, така што чистиот воздух постојано циркулира.
“Среќни сме што повторно се отвораат седум рути од Северна Македонија, нудејќи повеќе дестинации, за различни потреби на патниците, било да се тоа деловни или за рекреативни патувања. Со бројните услуги што повторно се отвораат низ цела Европа, Виз ер ја докажува својата посветеност, на македонските патници да им понуди безбедно и незаборавно патување низ цела Европа и пошироко, со нашата модерна флота и во друштво на нашиот високо квалификуван екипаж”, вели во пишана изјава Андрас Радо, менаџер за корпоративни комуникации во Виз Ер.
Поради ковид пандемијата во текот на минатата година авиокомпаниите ги намалија летовите, но со тековниот летен ред на летање повторно ги враќаат.
