Најсилен пад на германскиот извоз од крајот на 2023 година
Ова е втор значителен пад по ред: побарувачката за производи „Made in Germany“ од ЕУ и САД е намалена повеќе од двојно повеќе од прогнозите. Поинаква е ситуацијата кога станува збор за трговијата со Кина.
Германскиот извоз падна повеќе од двојно повеќе од очекуваното во јуни. Извозот е намален за 3,4% во споредба со претходниот месец на 127,7 милијарди евра, објави Федералната служба за статистика Дестатис. Ова е најостриот пад од крајот на 2023 година. Економистите анкетирани од новинската агенција Ројтерс очекуваа само пад од 1,5%.
Ова е втор значителен пад по ред: во мај германскиот падна за 3,1%. Увозот во јуни порасна за 0,3% на 107,3 милијарди евра. За увозот се очекуваше зголемување од 2,8 %.
Извозното салдо беше негативно и за првата половина од годината во целина: извозот се намали за 1,1% во споредба со истиот период лани на 798,8 милијарди евра.
„Извозот го следи слабиот тренд на нарачки од неодамнешното минато“, рече економистот Јенс-Оливер Никлаш од Ландесбанк Баден-Виртемберг (LBBW). „Овој тренд најверојатно ќе продолжи и во наредните месеци.
Побарувачката за стоки „Made in Germany“ падна во јуни кај многуте важни трговски партнери. Испораките во САД се намалени за 7,7 отсто во однос на претходниот месец на 12,9 милијарди евра, додека испораките во ЕУ се намалени за 3,4 отсто на 69,7 милијарди евра.
Бизнисот со Кина, пак, пораснал за 3,4 отсто на 7,9 милијарди евра.
Силен напредок сè уште не е на повидок: германската индустрија доби повеќе странски нарачки во јуни. Сепак, зголемувањето беше скромно од 0,4 отсто. Покрај тоа, расположението во германската извозна индустрија се влоши на почетокот на втората половина од годината.
Барометарот за извозните очекувања пресметан од минхенскиот институт Ifo падна на минус 1,7 поени во јули, од минус 1,3 поени во јуни.
„На извозната економија моментално и недостига динамика“, вели експертот на Ifo, Клаус Вохрабе. Има неколку знаци за значително подобрување.
Ситуацијата е различна во производството. Преработувачкиот сектор благо порасна во јуни. Приспособено за ценовните, сезонските и календарските ефекти, тој се зголеми за 1,4 отсто во однос на претходниот месец, како што објави во средата Федералниот завод за статистика во Визбаден.
