Словенечкиот производител на бела техника Горење, сопственост на кинеската Hisense група, објави дека влегол во кинескиот пазар за широки потрошувачи под ново име на брендот, Gu Luo Ni.
“Одлучивме да се приближиме до кинескиот пазар, и како што тоа често го прават и странските брендови, ние исто така го адаптиравме името на брендот Горење на кинескиот изговор. Така, ние гордо го претставуваме брендот Gu Luo Ni,, објавија од компанијата .
Потенцираат дека Gu ја претставува традицијата на брендот Горење со 70-годишно наследство, додека Luo опишува чувство за елегантен дизајн, ориентиран кон потрошувачите, а Ni е идеја за глобализација и поедноставување.
Од Горење информираа дека дополнително ќе го поддржат позиционирањето на својот бренд на кинескиот пазар преку бројни други активности, како што е неодамнешното славење на својата 70-годишнина на специјален настан во Пекинг.
„Стратегијата за приближување кон потребите на крајните потрошувачи на бараниот кинески пазар претставува одлична можност за сите наши фабрики за домашни апарати, како и за успехот на целата група„ Хисенс ““, велат од компанијата.
Минатата недела, Горење објави дека оствариле профит во јуни – за прв пат оваа година и добила голем број нови нарачки за август, септември и октомври во последните недели.
На почетокот на овој месец, компанијата објави дека започна со производство на машини за миење садови под брендот Хисенсе за американскиот пазар, што претставува прва нарачка од тој пазар за производи направени во Словенија под кинескиот бренд.
Горење има неколку производствени фабрики лоцирани во Словенија, Србија и Чешка. Околу две третини од сите вработени се со седиште во Словенија.
Хисенсе го купи Горење во октомври 2018 година кога нејзината единица Хисенсе Луксембург холдинг се здоби со удел од 95,42% во словенечката компанија со купување на 998.417 акции на Горење по цена од 12 евра за акција.
