
Европската унија соопшти дека презема мерки со цел да ги заштити своите трговски интереси во спорот со САД по блокадата на Жалбеното тело на Светската трговска организација (СТО).
Европскиот комесар за трговија Фил Хоган изјави денеска дека Унијата „не може да си дозволи да биде без одбрана, доколку нема можност да се постигне задоволувачко решение во рамки на СТО”.
Жалбеното тело на СТО, чии одлуки влијаат на трговијата вредна милијарди долари, од 12 декември веќе не може да носи пресуди во новите спорови, поради што државите можат да воведуваат протекционистички мерки и да не се грижат за евентуални казни.
Хоган истакна дека предлогот за промена на некои трговски правила на ЕУ, што ќе и овозможи на Унијата да одговори со исти мерки кога СТО нема да може да донесе конечна пресуда.
Работата на Жалбеното тело на СТО е блокирана, поради недоволен број на судии, бидејќи САД веќе две години го блокираат именувањето на нови судии.
Жалбеното тело има седум члена, но со арбитража и со сослушување можат да
се занимаваат и минимално тројца судии.
На 12 декември заврши мандатот на двајца судии, од вкупно тројца колку што сè уште ја извршуваат таа должност, а нивни наследници не можат да се именуваат заради блокадата на САД. Поради тоа, највисокото жалбено тело во САД не може да донесува никакви одлуки.