Денеска во Лондон се одржува Инвестицисиот самит на ЕБРД за Западен Балкан. Целта на самитот на кој ќе присуствуваат сите шест премиери на земјите од Западен Балкан, како и министри и водечки бизнисмени од регионот, е да се потенцираат потенцијалните инвестициски и деловни можности во Западен Балкан и да се промовираат регионални и прекугранични проекти.
Самитот ќе започне со сесија на високо ниво за време на која шесте лидери и претседателот на ЕБРД, Сума Чакрабарти ќе се обратат пред публиката. На Самитот ќе присуствуваа и македонскиот премиер Оливер Спасовски и министрите за финансии и економија, Нина Ангеловска и Крешник Бектеши, како и делегација од неколку водечки македонски бизнисмени.
Ова ќе биде можност да се разговара за општата визија за регионот, клучните регионални проекти и можностите за инвестирање во енергетиката и транспортот, како и агендата за „мека поврзаност“ на Западен Балкан.
Ова ќе биде проследено со панел насловен „Зелена енергија во Западен Балкан“, на кој ќе учествува министерирт за економија Крешник Бектеши.
Ова е четврт самит на ЕБОР од ваков вид. Западен Балкан е приоритетен регион за ЕБОР, која е еден од најголемите институционални инвеститори во земјите од регионот, со досега инвестирани близу 12 милијарди евра.
