Проширувањето на нови пазари може да донесе голем успех за бизнисите; тоа создава можност за таргетрање на нови пазари и раст на глобалната база на потрошувачи, со што се зголемуваат приходите.
Компаниите и брендовите можат да го користат дигиталниот маркетинг за да допрат до глобалната публика, но развивањето на меѓународна стратегија за дигитален маркетинг може да биде многу поразлично од развивањето на домашна стратегија за дигитален маркетинг. За да биде успешна, бизнисите мораат внимателно да ги разгледаат и запознаат публиката и пазарот што сакаат да ги тагретираат .
Како може дигиталниот маркетинг да им помогне на бизнисите да се шират на меѓународно ниво?
Светот станува се повеќе дигитален, со потрошувачи кои се повеќе ги наоѓаат сите свои вест и новини, комуницираат со брендовите и купуваат производи преку Интернет. Со толку многу луѓе што купуваат преку Интернет, лесно е да се препознае вредноста на развивање на ефективна стратегија за дигитален маркетинг при обраќање на нов пазар. Компаниите можат побрзо да допрат до меѓународната публика кога користат различни канали на дигитални медиуми.
Ова ги вклучува социјалните медиуми, PR кампањите, маркетингот преку содржини (content marketing) , SEO (search engine optimization) и маркетинг преку електронска пошта (e-mail marketing). Да се има разновидна стратегија што користи различни медиуми ја зголемува веројатноста компанијата да добие добар одговор од целната публика.
Како да се изгради стратегија за дигитален маркетинг за меѓународната публика?
Препознавањето на вредноста и значењето на стратегијата за дигитален маркетинг не гарантира успех. Успешната стратегија за дигитален маркетинг бара внимателно и методичко размислување.
Во продолжение се неколку совети како да изградите и спроведете ефективна стратегија за дигитален маркетинг за меѓународната публика:
# Дефинирајте ја личноста на вашиот купувач
Првиот чекор на меѓународниот дигитален маркетинг е да соберете податоци за вашата целна публика и да развиете личност од купувачот. Да се погоди вистинската публика со соодветна содржина е од фундаментално значење, и ако вашата стратегија е насочена кон привлекување интерес на вашите клиенти, веројатно ќе предизвика интеракција. За да го идентификувате типот на потрошувачот на кој сакате да ги фокусирате вашите кампањи, направете ги следниве чекори:
# Започнете со потенцијал на пазарот и социо-економските фактори
Важно е да ги разбирате потенцијалот на потрошувачите и проекцијата на потрошувачите. Овие податоци можете да ги соберете користејќи информации за населението, растот на БДП, јавната инфраструктура, аналитика на потрошувачите, минимална плата и просечна плата. Вашата цел е да ја идентификувате побарувачката за вашиот производ на новиот пазар и да осигурате дека вашиот таргет потрошувач е во позиција каде што можат да го купат вашиот производ за тековната цена.
# Запознајте ги локалната култура и обичаи
Треба да ја запознаете социо-културната средина во која живее вашата целна публика. Треба да ги земете предвид традиционалните верувања, вредности, начин на живот, однесување, култура, етика и организација на општеството. Ова ќе ви даде идеја за тоа како живее вашата публика и ќе ви помогне да се избегнат потенцијално контроверзни ситуации што може да произлезат од недостаток на разбирање за локалната култура при идеи за градење на кампањата.
Откако ќе ги имате сите потребни информации, можете да започнете да ја градите личност на целниот купувач. Личноста на купувачот треба да ги покрие сите релевантни демографски податоци, вклучително и полот, возраста, локацијата, јазикот, образованието, индустријата, работната позиција, приходите и семејниот статус. Кога ја дефинирате личноста на купувачот, треба да размислите и за психографија, вклучувајќи цели, проблеми, решенија и традиционални вредности. Користењето на овие податоци ќе ви помогне да креирате кампањи што ќе дадат најдобри резултати и се економични бидејќи не треба да се залагате за да ја достигнете најголемата можна публика, туку едноставно да можете да се фокусирате на вашите потенцијални купувачи.
Анализа на конкуренцијата
Спроведување детална анализа на конкурентите е исто така клучен аспект на развој на стратегија за дигитален маркетинг за нова меѓународна публика. Собирањето информации за конкурентите ќе ви помогне да го разберете пазарот, да ја таргетирате вашата публика поефикасно, да направите прогноза за потенцијалот на странскиот пазар, да анализирате слични производи и да ја следите економската клима.
Користењето на овие сознанија за обликување на вашата дигитална стратегија може да ви помогне да постигнете ефективни резултати.
При правење на анализата на конкурентите, постојат неколку клучни карактеристики што треба да ги барате и да внимавате на нив:
- Број на вработени
- Број на клиенти
- Години на пазарот
- Буџет
- Клиенти
- Инвеститори
- Стекнати брендови.
Исто така, треба да обезбедите информации за нивната целна публика и деталите за производот:
- Примарна публика
- Секундарна публика
- Целна публика
- Како тие комуницираат со потрошувачите
- Производ
- Детали за производот
- Цени
- Забелешки од клиенти.
Овие податоци ќе ви помогнат да разберете што функционира, а што не на новиот пазар. Треба да имате предвид и цените, датумите и другите информации кога креирате кампањи за дигитален маркетинг.
Спроведување на меѓународна оптимизација SEO
Спроведувањето на оптимизацијата на пребарувачот (SEO) во дигиталниот маркетинг е клучно за да се обезбеди вашата веб-страница да биде пронајдена од вашата нова целна публика. Еве неколку техники што можете да ги користите за да станете подостапни на странскиот пазар:
# Изработка на домен кој е оптимизиран за пребарување
Креирање на посебна веб-страница може да донесе многу придобивки од само подобра оптимизација. Можете да ја прилагодите веб страницата и вашиот бренд на начин што ќе им обезбеди најдобро можно искуство на вашите целни клиенти на новиот пазар.
Имате две главни опции при избор на домен за вашата веб-страница: домен на ниво на кодот на државата (ccTLD) кој завршува во одреден код на земја (на пр. co.uk) или генерички домен од највисоко ниво (gTLD) што не е поврзан со земја (на пр ..org).
# Оптимизирајте за релевантен пребарувач
Важно е да го препознаете пребарувачот за кој сакате да оптимизирате. Google е генерално најпопуларен, но во земји како Кина, на пример, Baidu е најкористениот пребарувач. Ова е важно затоа што различни пребарувачи можат различно да ги ценат страниците, што значи дека вашиот пристап кон оптимизација треба да биде насочен кон постигнување рангирање во таа специфична земја.
# Користете клучни зборови за целниот јазик
При спроведување на меѓународен SEO, користењето клучни зборови специфични за целниот јазик ќе помогне за повисоко рангирање. Барањата за пребарување се различни од земја до земја, па затоа треба да извршите истражување на клучни зборови со помош на пребарувачот што е популарен во регионот. Работата со дигитални маркетери кои го зборуваат мајчиниот јазик за да извршат истражување на клучни зборови е исто така многу важно за да се осигури дека нема пропуштени можности.
# Диверзифицирајте ја вашата стратегија за содржина
Можете да достигнете публика побрзо со фокусирање на повеќе различни дигитални маркетинг медиуми, наместо само на еден. SEO е ефективна, но поврзаноста со маркетингот на содржини и маркетингот на социјалните мрежи ќе ви помогне подобро да го привлечете вниманието на меѓународната публика. Еве неколку различни стратегии што можете да ги користите за да го зголемите вашиот успех:
# Направете го вашиот блог повеќејазичен
Локализирањето на вашата моментална содржина за читателите на новиот пазар ќе ви помогне да се етаблирате како индустриски експерти на секој пазар. Имањето содржина на блогот на целниот јазик ќе ви помогне да ве гледаат како сигурен бренд.
# Имајте придонеси од експерти
Создадете партнерства со локалните блогери и охрабрете ги да пишуваат прегледи за вашата компанија и производ. Ова е уште еден начин да се изгради авторитет и доверба и да се добие пристап до целната публика.
# Споделете содржина генерирана од корисник
Содржината генерирана од корисник може да стане основа за различни дигитални маркетинг кампањи. Содржината напишана од локалното население ќе ви помогне да изградите доверлива база на клиенти.
Користењето на повеќе медиумски содржини и стратегии во вашиот меѓународен дигитален маркетинг помага да допрете до поширока публика и до вашите целни потрошувачи.
(Globaltrademag)
