Компанијата Комфи Ангел од Прилеп започна со производство на заштитни маски за лице, од сопствено производство, согласно инвестицијата во две нови машини, од кои една, од денеска, е веќе ставена во функција.
Секоја од машините е со капацитет на производство од 40 000 маски дневно со работа во две смени. Со пуштање и на втората машина производството ќе се дуплира на 80 000 парчина дневно.
Маските се за еднократна употреба, но можно е да се користат и повеќе пати доколку истите се перат. Како што наведуваат од компанијата Комфи Ангел, маските штитат од прашина, директни допири на устата и носот, а овозможуваат заштита при кивање и кашлање.
Истовремено се работи на сертификација на овој производ, за што е обезбеден и сертификат на материјалот кој ќе се користи за изработка на маските од страна на добавувачот.
Паралелно компанијата произведува и друга дополнителна заштитна опрема, како заштитни капи, заштитни одела (едноделни и дводелни) и заштитници за обувки.
Компанијата Комфи Ангел е текстилна фабрика од Прилеп која произвеува главно јастуци, јоргани и други постелнини, намененти главно за извоз.
