Германската државна компанија Дојче Бан (Deutsche Bahn) планира годинава да обнови околу 1.800 километри пруги, да модернизира 160 мостови и повеќе железнички станици, во што ќе бидат инвестирани 12,2 милијарди евра.
Ова е 1,5 милијарди евра повеќе отколку што компанијата инвестирала во 2019 година и најголема досега инвестиција во инфраструктура во историјата на Дојче Бан.
„Благодарение на поддршката на политиката, влегуваме во деценија на инвестиции“, се посочува во соопштениет на компанијата.
Модернизацијата на инфраструктурата и охрабрувањето на граѓаните повеќе да ја користат железницата е составен дел на владината стратегија за драстично намалување на штетните јаглеродни гасови во следните децении.
