Цените на пченката и сојата се зголемија речиси до рекордни нивоа, сигнализирајќи повисока инфлација на храната .
Глобалните цени на храната веќе достигнаа рекорди кога Русија ја нападна Украина кон крајот на февруари и ги загрозија светските резерви на жито и маслодајни семиња. Слабите жетви во Јужна Америка, лошите временски услови за садење во САД и зголемената побарувачка за биогориво се заканува дополнително да ги зголеми цените.
Цената на сојата, која се употребува како храни за крави, кокошки и лосос и за производство на масло, годинава порасна за 27%. Фјучерсите се тргуваат над 17 долари за бушел за прв пат откако топлото и суво лето ги уништи американските посеви во 2012 година.
До неодамна, таа суша пред една деценија беше единствениот пат кога пченката чинеше повеќе од 8 долари за бушел.
Фјучерсите за пченка, кои се зголемени за 37% оваа година, во средата достигнаа 8,15 долари, околу 24 центи помалку од највисокото ниво на сите времиња.
Растителните масла, овесот и пченицата веќе достигнаа рекордно високи цени во 2022 година.
Зголемувањето на овие клучни состојки се прелева на трошоците за производство на храна.
Обединетите нации соопштија дека глобалните цени на храната достигнаа ново највисоко ниво минатиот месец, а Светската банка рече дека очекува војната во Европа да ги зголеми цените на храната за околу 23% оваа година, по искачувањето од 31% во 2021 година.
Украина е главен извозник на пченка и постојат стравувања дека нема да можат доволно да се засади среде борбите кои се уште таат.
