Деловното расположени на германските производители на автомобили и нивните добавувачи значително се влоши во август пред Меѓународниот автомобилски саем (IAA), што ќе се одржи во Минхен за прв пат во септември, по одлуката на организаторите да го преместат настанот од Франкфурт.
Индикаторот за деловна клима во германскиот автомобилски сектор, пресметан од економскиот институт IFO, во август падна на само 28,8 поени од нивото од 56,4 поени во јули, што е најниско ниво од април оваа година.
„Ова покажува дека автомобилската индустрија продолжува да страда од тесни грла во снабдувањето со интермедијални производи, особено чипови“, рече Оливер Фалк, директор на Центарот за индустриска организација и нови технологии на IFO, се вели во соопштението од институтот.
Ситуацијата малку се подобри во однос на идните очекувања на производителите, каде индексот се искачи од 6,7 поени на 7,1 поени.
Плановите за производство за следните месеци се многу посветли, со показател што се зголеми од 24,3 на 34,8 поени. Истото важи и за очекувањата за извоз, кои скокнаа за 8,6 поени на 15,1 поени.
Од друга страна, индикаторот за побарувачка опадна на месечно ниво и се намали од 24,8 поени на 6,7 поени во август.
Што се однесува до очекувањата поврзани со вработувањето, тие се спуштија на негативна територија, од плус 6,2 поени во јули до минус пет поени минатиот месец.
„Овие флуктуации се одраз на длабоките структурни промени во автомобилската индустрија“, заклучи Фалк.
