Србија, Албанија и Северна Македонија од следната година ќе можат да сметаат на единствена работна дозвола и единствен информативен систем за своите граѓани, најави денеска претседателот на Стопанската комора на Србија Марко Чадеж и посочи дека регионалната иницијатива „Отворен Балкан“ е клуч за економија и вработување.
„Се усвојува патоказ со многу специфични задачи, што да се прави за да не застануваaт камиони повеќе на границите, а тоа е она што ни овозможува да растеме, овозможува нашата економија да расте“, рече Чадеж.
Со иницијативата „Отворен Балкан“, според претседателот на ПКС, регионот има многу добра основа за нови инвестиции, бидејќи странските инвеститори не гледаат само на една земја, туку гледаат на регион кој или има или нема добро.
„Имаме проблеми со работната сила. Пазарот на трудот станува навистина проблематичен. Мора да најдеме каде да го прошириме бизнисот, да правиме нови зделки, треба да имаме простор каде ќе ги реализираме тие работни места и луѓе со кои ќе ги реализираме тие работни места“, изјави Чадеж.
Тој потсетува дека од почетокот на реализацијата на иницијативата Отворен Балкан на крајот на јули, трасата за камиони и транспорт на стока меѓу Албанија и Србија меѓу овие три земји е скратена, се завршува за еден ден, со што се заштедуваат пари за компаниите.
Чадеж посочува дека е видлива политичката волја и поддршката за соработка во сите три земји, дека се направени многу конкретни работи и дека по денешните средби ќе има уште добри вести.
Чадеж изјави дека на денешната средба ќе присуствуваат 22 компании од Србија, Албанија и Северна Македонија од различни области, земјоделско производство, метална индустрија, електроника, информатика, градежна индустрија, кои вработуваат 50.000 луѓе.
Според него, иницијативата „Отворен Балкан“ е важна поради економската соработка со земјите членки на Европската унија.
„Заедно со Брисел и заедно со земјите членки, пред се со земјите од ЕУ со кои сме во опкружувањето, можеме да придонесеме нашите компании да не ги чини многу тоа што го извезуваат во ЕУ, да не ги чини повеќе отколку што ги чини компаниите во Словачка или Унгарија“, оцени Чадеж.
Извор: Стопанска комора на Србија
