Претседателот на Стопанската комора на Македонија, Бранко Азески денеска, за време на работната средба со вицеопрмеиерот Фатмир Битиќи и министерот за финансии Фатмир Бесими, упати апел до сите парламентарни партии, на денешната собраниска седница која се одржува по подолго време, да ги изгласаат економските закони.
“Секое кочење на законите значи сериозен удар за стопанството и компаниите. Опозицијата и другите партии да имаат предвид дека за бисниот е важен секој денар и секој ден, особено во ваква ситуација, како што е актуелната со КОВИД-от. За денеска е најавена седница на Собранието по подолго време на која треба да поминат некои закони. Сакам да упатам апел до сите парламентарни партии, да имаат предвид во каква ситуација се наоѓаме и да направат максимални напори економските закони да ги пропуштат”, вели Азески.
Иако има добра волја од страна на Владата, со кочењето се создаваат лоши импути врз економската позиција на компаниите. Опозицијата и другите партии , вели Азески, треба да го имаат тоа предвид зашто секоја пара и секој ден ни се значајни во оваа ситуација во која се наоѓаме.
