Американскиот претседател Џо Бајден вчера објави дека САД ќе го забранат увозот на нафта, гас и нафтени деривати од Русија. Велика Британија исто така објави дека постепено ќе забрани увоз на руска нафта.
Оваие потези се дел од санкциите кои САД и западните сојузници ги преземаат за да ја казнат Русија за војната инвазија во Украина.
Европските земји, барем засега, ја отфрлија можноста да воведат забрана за увоз на руска нафта и гас со оглед на големиот увоз од Русија кои достигнува ад 30% од вкупната потрошувачка на нафта и гас.
Колку забраната од овие земји би ја погодила руската економија, која е зависна од приходите од продажба на нафта во странство? Русија е втор најголем извозник на сурова нафта во светот и трет најголем производител во нафта.
Извозот на нафта учествува со 44% во вкупните приходи од извоз на Русија. Според податоците од Comtrade, Кина е далеку најголемиот купувач на руската сурова нафта со учество од 32,8% во вкупниот извоз, покажува графиконот на Statista.
Комбинираното учество на В.Британија (1,8%) и САД (1,3%) изнесува 2,8% во вкупниот извоз на руска нафта. Ако покрај суровата нафта се додаде и извозот на нафтените деривати во САД, учеството на американскиот пазар во вкупниот извоз на нафта и нафтени деривати изнесува 3%.
Втор најголем увозник на руската сурова нафта е Холандија со учество од 13% во вкупниот руски извоз, следи Германија со учество од 6,3%. Доколу ЕУ воведе забрана за увоз на суровата нафта од Русија тогаш со овој потег би се одразил со 40% намалување на рускиот извоз.
Но, очигледно тоа би бил потег од кој силно би биле погодени и руската, но и најголемите европски економии.
