Кинеската воена акција кон Тајван ќе ја погоди глобалната трговија повеќе отколку нападот на Русија врз Украина, изјави главниот тајвански трговски преговарач Џон Денг.
Руската инвазија на Украина во февруари предизвика зголемување на цените на суровините и забрани за извоз на храна, што доведе до страв од глад во посиромашните земји.
Според Џон Денг, доколку Кина го нападне Тајван, потенцијалните нарушувања би можеле да бидат многу полоши, наведувајќи ја зависноста на светот од Тајван, кој е најголем светски производител за чипови што се користат во електрични возила, мобилни телефони и други електронски уреди.
„Нарушувањата на меѓународните синџири на снабдување и нарушувањата на меѓународниот економски поредок би биле многу, многу позначајни од оваа“, изјави Денг во интервју за Ројтерс за време на големиот министерски состанок на Светската трговска организација (СТО) кој се одржа неодамна во Женева.
„Би имало недостиг од снабдување ширум светот”
Владата на Тајпеј не пријави знаци за неизбежен напад од Кина, но Тајван го подигна нивото на готовност од почетокот на војната во Украина, потенцирајќи на претпазливост за намерите на Пекинг.
Кинеската влада вели дека сака „мирно обединување“, но резервира „други опции“ за Тајван, кој го смета за кинеска провинција, став што демократски избраната влада во Тајпеј силно го оспорува.
Тајван доминира на глобалниот пазар за производство на најнапредни чипови и неговиот извоз лани изнесувал 118 милијарди долари.
Руската инвазија е првпат во историјата на 27-годишното глобално трговско набљудување, една членка на СТО да изврши инвазија на друга. Телото се надева дека ќе постигне пакет договори, вклучително и за безбедноста на храната за да ги олесни затегнатите резерви, но тензиите предизвикани од војната може да го отежнат тоа.
СТО е една од ретките мултилатерални организации каде Кина и Тајван работат рамо до рамо, бидејќи Пекинг го блокира нејзиното учество во други институции.
