Глобалните тесни грла во трговијата повеќе се резултат на скокови на побарувачката отколку на пречки во синџирот на снабдување, при што притисокот најверојатно ќе се намали во наредните месеци, смета главниот економист на Светската трговска организација (СТО), Роберт Купман.
Проценката на СТО во октомври беше дека побарувачката за стоки ќе се забави на почетокот на 2022 година. Сепак, тоа беше пред варијантата на коронавирус Омикрон да доведе до ограничување на економската активност.
Главниот економист Купман вели рече дека потрошувачите продолжиле да го насочуваат трошењето кон стоки наместо услуги со оглед на тоа дека не можат или претпочитаат да не вечераат надвор или да одат на одмори.
Купман рече дека за трговијата со стоки, вишокот на побарувачка веројатно објаснува две третини до три четвртини од очигледниот недостиг.
„Сè уште останува дека оваа композициска промена на побарувачката поддржана од соодветно агресивната, брза фискална и монетарна политика, резултираше со овој исход каде што многу луѓе пишуваат за прекини во синџирот на снабдување“, рече тој за Ројтерс.
Нарушувањето на снабдувањето беше, рече тој, поочигледно во автомобилскиот сектор, или за испраќачите кои се прилагодуваат на промената на производството од Кина во Виетнам, Малезија или Индонезија.
„Прилично сум уверен дека во следните три или четири месеци ќе видиме намалување на инфлациските притисоци“, рече тој, мислејќи на поголемиот дел од тргуваните стоки и претпоставувајќи дека ќе нема нов геополитички или здравствен шок.
Сепак, некои компании предупредија дека трговските канали се толку затнати што би можело да се продолжи во следната година за бизнисот да се врати во нормала.
„Она што го видовме беа фискални и монетарни одговори многу, многу брзо. Долгорочните добро калибрирани синџири на снабдување ја немаа вистинската физичка или регулаторна инфраструктура за да се прилагодат толку брзо“, рече тој.
Ројтерс
