Бизнисмени од регионот утре во Брисел со претставниците на Европската комисија ќе разговараат за отстранување на пречките во водење бизнис со Европската унија и за целосно поврзување на економиите на Западен Балкан со единствениот пазар на ЕУ.
Собирот го организира Коморскиот инвестициски форум на Западен Балкан како заедничка регионална комора која ги обединува стопанските комори од сите шест економии.
„Фактот дека сите наши економии се најдиректно зависни од Европската унија најдобро зборува за важноста на пазарот и зајакнувањето на економските врски со ЕУ за економијата на регионот и секоја економија поединечно.“, изјави Марко Чадеж, претседател на Стопанската комора на Србија и Инвестициската комора на Западен Балкан.
Според Чадеж, бизнис заедницата гледа побрза интеграција на регионот со ЕУ, односно единствениот пазар, практично во два чекори.
Западен Балкан прво би станал дел од ЕУ како економска заедница на Југоисточна Европа, а подоцна и како полноправна членка, применувајќи го моделот на пристапување што го имаа Финска, Австрија и Исланд и според кој денес функционира Норвешка, на пример.
На ефектите од соработката и важноста на пазарот на ЕУ за компаниите од оваа област јасно говорат фактите, според кои ЕУ е најважниот економски партнер со најголемо влијание врз локалните економски движења.
Извор: Привредна комора Србије
