За секоја компанија која на било каков начин е вклучена во меѓународната трговија од големо значење за успешно работење е да има доверлив, лојален и искусен партнер на кој ќе може да му го прешушти справувањето со секојдневните предизвици во изнаоѓање на најдобрите решенија за сите транспортни и логистички потреби.
Компанијата Технотранс веќе 10 години успева на своите клиенти да им обезбеди квалитетни, навремени и најефикасни транспортни, логистички и консултантски outsourcing услуги, благодарение на континуираното вложување во квалитетен и стручен кадар и примена на најсовремена опрема и технологија.
Како резултат на постојаниот фокус кон задоволување на потребите на клиентите, компанијата Технотранс денеска покрај внатрешен и меѓународен превоз на пратки од и кон Европа, нуди и секаков вид на збирен транспорт, комплетни логистички решенија, овозможува складирање на пратки во магацини ширум Европа, како и во нивниот комплекс за складирање и јавен царински склад во општина Петровец, осигурување на стока, како и консалтинг услуги во меѓународната трговија.
Во духот на иновативноста и водени од идејата за континуиран фокус кон клиентот, Технотранс во 2013 година како новитет на пазарот ги воведува outsourcing услугите, односно извршување на активности поврзани со дистрибутивната функција во име и за сметка на клиентите, како што се: манипулација на стока со вилушкар, конбтрола на влез и излез на амбалажа, подготвување на стока (picking), селекција на амбалажа и се поврзано со оваа сфера на дејствување.
Компанијата Технотранс располага со врвна опрема, сопствен возен парк и врвни професионалци кои им ги отстапуваат на компаниите кои имаат потреба, овозможувајќи им притоа помали дополнителни трошоци и фокус на основната дејност.
Игор Петковски, основачот и директор на Технотранс вели дека компанијата е основана со идејата да се препознаат сите потреби кои ги имаат клиентите во целокупниот транспортен и логистички процес и истите да се задоволат на брз, квалитетен и најефикасен начин.
“Во прашање се 10 години работа во делот на транспортот и outsourcing услугата, односно користење на надворешни ресурси или фактори, како интегриран дел од нашата компанија. Секако дека имавме и тешки моменти, но тие се најдобра лекција за нашиот успех. Предизвиците со кои се соочувaвме на дневна основа, меѓу кои роковите кои ги имавме, не мотивираа побрзо да најдеме соодветно решение. Тогаш се учи најдобро. Тогаш се расте најбрзо”, вели Петковски.
Знаење, напорна работа, организација, адаптибилност и пријателство. Ова се главните адути за Петковски на патот кон успехот. Но, најважниот клуч за успешен бизнис го гледа во луѓето од тимот.
“Лидерите мотивираат и со помош на харизма и пример, но довербата се стекнува со акција. Почнете од себе, бидете она што сакате да го видите во вработените и сторете сè што е потребно за тимот да сфати дека нивните емоции се земени предвид. Луѓето не се само работници. Луѓето во тимот се клучот за патот кон успешен бизнис. Тие првенствено се личности со сопствени емоции и вредности, што ги интегрираат во нивната работа. Тие се колеги, партнери, пријатели и членови на тимот”, смета Петковски.
Визијата на Петковски е Технотранс да стане еден од лидерите во логистичките услуги во регионот.
“Mотото кое ме води низ годиниве е: Доколку го работите она што го сакате, нема да “работите’’ ниту еден ден. Пронајдете ја работата што ја сакате, поставете си цели, завиткајте ги ракавите и работете. Упорноста и трпението имаат голема улога, меѓутоа крајниот резултат нема да изостане”, вели Петковски.
Денес тимот на Технотранс е составен од над 100 млади и искусни професионалци посветени на создавање и изнаоѓање на комплетни логистички решенија за клиентите, како и широк спектар на консултанстки услуги и подддршка при изработка на целокупната транспортна документарција.
Најдобрата препорака и гаранција за квалитетот, ефикасноста, стручноста и техничката опременост кои ги нуди Технотранс се долгорочните партнерски односи со над 1.500 задоволни клиенти во своето досегашно десетгодишно работење.
(Комерцијална објава)
