Германската влада нема да се согласи со плановите на Европската унија за ефикасна забрана на продажба на нови автомобили со мотори на согорување од 2035 година, изјави министерот за финансии Кристијан Линднер.
Во својот обид да ги намали емисиите на штетни гасови за 55% до 2030 година во однос на нивоата од 1990 година, Европската комисија предложи 100% намалување на емисиите на CO2 од новите автомобили до 2035 година. Тоа значи дека би било забранета продажбата на автомобили со мотори со согорување .
Пратениците на Европскиот парламент ги поддржаа предлозите овој месец пред да се одржат преговорите со земјите од ЕУ за конечниот закон.
Говорејќи на настанот организиран од германската асоцијација на индустријата BDI во вторникот, Линднер рече дека ќе продолжи да има ниши за мотори со согорување, така што забраната е погрешна и рече дека владата нема да се согласи со ова европско законодавство.
Линднер, член на про-бизнис Слободните демократи, кои ја делат власта со Социјалдемократите и Зелените, рече дека Германија сепак ќе биде водечки пазар за електрични возила.
