Светското производство на јаболка годинава ќе достигне 75,9 милиони тони, што е за 3,6 милиони тони помалку од лани, покажува новиот извештај на Министерството за земјоделство на САД (USDA).
Причината за падот на производството се пролетните мразови во северозападните провинции на Кина. Трговијата се предвидува исто така да се намали заради помалиот увоз на јаболка во Европската унија и САД.
Така, производството на јаболка во Кина се проценува на 40,5 милиони тони, што е за 1,9 милиони тони помалку од минатата година.
Во САД, производството ќе се намали за повеќе од 360 илјади тони до 4,5 милиони тони, како резултат на помали приноси, пожари, бури и силни мразови.
Производството на ЕУ се очекува да порасне над 500.000 тони на 12,2 милиони како резултат на поголемите залихи кои ги компензира загубите предизвикани од лошите временски услови. Извозот се предвидува да се намали за 135.000 тони, до 880.000 тони.
Производството на Турција се предвидува да порасне за скоро 700.000 тони, до 4,3 милиони тони и покрај лошите временски услови. Турското производство на јаболка расте веќе шеста година по ред, а поголемото производство се очекува да го зголеми извозот за скоро 30%, особено во Русија и Индија.
Иако вкупното производство ќе се намали, се очекуваат поголеми количини овошје од понизок квалитет, зголемувајќи ги пратките на пазарите во Југоисточна Азија, почувствитени на цените и извозот на 1,1 милиони тони. Увозот се предвидува да биде за над 30.000 тони понизок, до 70.000 тони бидејќи Ковид 19 доведе до логистички нарушувања, генерирајќи повнимателно купување од страна на увозниците.
Целиот извештај можете да го погледнете на следниот линк.
