Основната инфлација во еврозоната ќе остане висока во блиска иднина, така што зголемувањето на каматните стапки на Европската централна банка (ECB) за 50 базични поени подоцна овој месец е сè поизвесно, изјави претседателката на ЕЦБ, Кристин Лагард, за шпанската медиумска групација Воченто.
ЕЦБ веќе ги зголеми стапките за 3 процентни поени од јули и во суштина вети уште половина процентен поен зголемување на 16 март, но инвеститорите неодамна шпекулираа за уште поголем потег со оглед на лошите податоци за инфлацијата.
Лагард рече дека означеното зголемување сега е „многу веројатно“, но таа исто така предупреди дека основната инфлација, која ги филтрира нестабилните цени на храната и горивата, може да остане непријатно висока дури и кога вкупната стапка на инфлација паѓа во наредните месеци.
„Краткорочно, базичната инфлација ќе биде висока“, изјаваи Лагард.
Неколку креатори на политики неодамна предупредија дека зголемувањето на каматните стапки на ЕЦБ треба да продолжи додека основната инфлација не се сврти и не почне да паѓа кон целта на ЕЦБ од 2%.
Основната инфлација се искачи на рекордно високи 5,6% минатиот месец, а некои креатори на политики стравуваат дека зголемувањето сега се должи на порастот на платите во услужниот сектор, што го прави растот на цените потрајни и тешко да се прекине.
„Мораме да продолжиме да ги преземаме сите неопходни мерки за да ја вратиме инфлацијата на 2%. И ќе го сториме тоа“, рече Лагард.
Таа додаде дека економијата на еврозоната се држи подобро отколку што се стравуваше и дека производството треба да се забрза од речиси стагнација во завршниот квартал на 2022 година.
