Наскоро: Специјална едиција ТОП 100 ИЗВОЗНИЦИ 2024
Специјализираниот портал ИзвозМК (www.izvoz.mk) ја најавува новата петта по ред годишна специјална публикација ТОП 100 ИЗВОЗНИЦИ 2024.
Специјалната едиција ТОП 100 ИЗВОЗНИЦИ 2024 има за цел да ги идентификува најдобрите извозни компании, да ги промовира нивните извозни успеси и добри практики, но и да ја сензибилизира јавноста и носителите на политички и економски одлуки за потребата од силна подддршка на извозот и извозните компании како важен предуслов за раст на економијата и развој на општеството.
Како и во досегашните едиции, во новата едиција ТОП 100 ИЗВОЗНИЦИ ќе биде објавено рангирање на 100-те најголеми извозни компании според вредноста на извозот, односно приходите од продажба на производи на странски пазари реализирани во 2023 година.
И годинава во рамки на едицијата по вторпат го објавуваме посебниот тематски прилог КОЈ Е КОЈ ВО ЛОГИСТИЧКИОТ И ТРАНСПОРТЕН БИЗНИС во Македонија посветен на клучните играчи на пазарот на транспортни, логистички и шпедитерски услуги. Во него ќе бидат рангирани водечките компаниите кои остваруваат најголеми приходи на пазарот за транспорт и логистика во Македонија.
Во новата едиција ТОП 100 ИЗВОЗНИЦИ ќе ги промовираме и обединиме на едно место предлозите и идеите на најголемите и најуспешните извозни компании, на државните институции, економските експерти и финансискиот сектор за повеќе важни теми од работењето на извозниците, како на пример:
- Извоз во време на глобално економско забавување и неизвесност: Предизвици и стратегии за успех во новата геополитичка реалност.
- Диверзификацијата на извозот станува клуч за успех: Кои се потенцијалите и предизвиците за раст на македонскиот извоз на нови и алтернативни пазари во време кога ЕУ забавува?
- Кризата во Vokswagen го сруши имиџот на Германија како автомобилска суперсила: Кои се можните негативни сценарија за македонската индустрија за авто делови која создава половина од целиот извоз на државата?
- Конкурентноста станува проблем број 1 во сите индустрии: Како новата Влада планира да ги намали трошоците за бизнисот? Што преземаат македонските извозници за да ги зголемат продуктивноста и конкурентноста?
- Како да се произведува и извезува храна со повисока додадена вредност – Решенија кои ги предлагаат прехранебаната индустрија и науката!
- Кои се стратегиите на македонските извозници во градење на издржливи и отпорни синџири на снабдување? Ефикасните логистички решенија се клуч за успех во неизвесни врениња!
- Прилог: Кој е кој во логистичкиот и транспортниот бизнис во Македонија?
- Како македонските извозници се прилагодуваат кон промените кои ги наметнуваат зелената транзиција и дигиталната трансформација?
Во едицијата ќе бидат вклучени и повеќе интервјуа со лидерите на најголемите извозни компании, финансиски институции и државни институции од земјава, колумни, како и детални секторски анализи на најголемите извозни индустрии како на пример прехранбената индустрија, автомобилската индустрија, металската и металопреработувачката индустрија, текстилната индустрија...
Бидете во друштво со најдоброто од македонската економија
Новата специјална годишна едиција ТОП 100 ИЗВОЗНИЦИ ќе биде објавена кон крајот на октомври 2024 година во ексклузивно печатено издание во високо квалитетен печат и продукција.
Ова е петто по ред издание на специјалната едиција Топ 100 Извозници од страна на специјализираниот портал www.izvoz.mk и Бизнис Аналитика, кое се дистрибуира до сите најзначајни институции во земјава, до извозните компании, стопански комори, амбасади, банки и осигурителни компании, ...
Сите заинтересирани компании и субјекти имаат можност да ги промовираат и претстават подетално своите производи, услуги и вредности преку профил на компанијата, ПР објави или интервју во изданието, како и на платформата www.izvoz.mk.
Повеќе информации во врска со прилогот и за комерцијално претставување пред внимателно таргетираната читателска публика можете да добиете на e-mail: marketing@izvoz.mk и contact@izvoz.mk или на телефонскиот број 070 401 162.