Второто издание на Suppliers Balkan Expo – SUBEX ќе се одржи во Скопје на 25 и 26 октомври 2023 година.
“Во рамките на SUBEX каниме компании купувачи и добавувачи и се залагаме за проширување на синџирите на снабдување во Европа и позиционирање на Западниот Балкан како стратешки пазар за снабдување на европските компании. Поточно, би сакале да ги зближиме германските компании купувачи со регионалните добавувачи и да ги поставиме темелите за нови синџири на снабдување”, велат од Делегацијата на германското стопанство во С.Македонија AHK.
Фокусот е на металната, електричната, ИТ, текстилната, дрвната и пластичната индустрија, како и автомобилската, прехранбената индустрија, трговијата на мало и транспортот и логистиката.
Програмата SUBEX вклучува стручна конференција која се состои од четири панел дискусии, повеќе од 200 Б2Б состаноци, саем на компании и саем за вработување.
Пријавувањето за Б2Б состаноците се врши преку веб-страницата SUBEX.
