Најбогатите Словенци, брачната двојка Иза и Само Логин, сопствениците на Outfit 7, која е одговорна за познатата апликација Talking Tom, како што пренесуваат порталите во Србија, станаа сопственици на неколку илјади хектари земја во Војводина.
„Тие сакаат да воспостават органско земјоделско производство на 3.800 хектари. Уверен сум дека тоа ќе биде најголемата платформа за органско земјоделско производство во цела Европа “, изјави министерот за земјоделство на Србија, Бранислав Недимовиќ.
Недимовиќ посочува дека во последните години се повеќе земјоделци одлучуваат за органско производство и посочи дека во Србија околу 24.000 хектари земја се под органско земјоделско производство.
Тој за ТВ Хепи вели и дека во изминатиов период запознал многу луѓе од ИТ секторот кои инвестирале во земјоделството.
Според него, на мали парцели најголем профит може да се постигне ако се премине кон одгледување на органско овошје.
Популарноста на органската храна расте во светот заради здравствените придобивки, поради што цените се за 20% до 50% повисоки од цените на конвенционалната храна.
Словенечкиот пар го продадоа својот удел во компанијата на Кинези пред четири години за милијарда евра, што беше најголема продажба во историјата на Словенија.
Outfit7 заработува со рекламирање и пазарење преку апликацијата. За да ја искористи популарноста кај децата, Outfit7 ја прошири понудата и со веб -видео.
