Цените на нафтата паднаа втор ден во понеделникот поради стравувањата од пониска побарувачка за гориво од очекуваната глобална рецесија, предизвикана од растот на каматните стапки во светот и бидејќи растот на американскиот долар ја ограничува способноста на потрошувачите кои не користат долари да купуваат сурова нафта.
Фјучерсите на суровата нафта „брент“ за ноемврисе намалија за 1,35 долари, или 1,57%, на 84,80 долари за барел. Тоа е најниско ниво од 14 јануари, кога брентот се продаваше за 84,51 долари.
Фјучерсите на американската „Вест Тексас интермедијт“ (WTI) за испорака во ноември паднаа за 1,15 долари или 1,46% на 77,59 долари за барел. WTI се намали на дури 77,21 долари, што е најниско од 6 јануари.
Двата типа нафта поевтинија за околу 5% во петокот.
Индексот на доларот кој ја мери зелената банкнота во однос на кошницата на главните валути се искачи на највисокото ниво во последните 20 години во понеделникот.
Посилниот долар има тенденција да ја намали побарувачката за нафта деноминирана во долари бидејќи купувачите кои користат други валути мора да трошат повеќе за да купат сурова нафта.
Извор: Reuters
