Виетнам стана еден од светските лидери во увозот на јаболка во 2020 година, со двојно зголемен обем на увоз, покажуваат податоците на East-Fruit. Вкупно, во текот на изминатите пет години, обемот на увоз на јаболка во Виетнам пораснал за повеќе од седум пати!
Виетнам сега е на петтото место во светот според увозот на јаболка, надминувајќи ги Бангладеш и Индија. Само Русија, Германија, Велика Британија и Египат се пред Виетнам по увоз на јаболка. Сепак, со оглед на високото ниво на цените на јаболката о Виетнам, оваа земја се покажа како трет најголем пазар на јаболка во светот според приходите, пред Египет и Велика Британија, а после Германија и Русија.
Извозниците на јаболка успеаја да заработат скоро половина милијарда американски долари од продажба на јаболка во Виетнам во 2020 година. Во исто време, обемот на увозот на јаболка изнесуваше околу 265 илјади тони. Што значи дека просечната цена по која виетнамските увозници на овошје ги купувале јаболката била 1,77 долари. Ова е многу привлечна цена за секој добавувач, по која може да се продаваат најквалитетни јаболка.
„Јаболката е овошје кое е во тренд во Виетнам, каде што јаболката не успеваат поради климата. Сепак, брзиот економски раст и позитивната демографија им овозможуваат на жителите на Виетнам да купуваат скапо увезено овошје. Ова значи дека квалитетот мора да биде висок. Нормално, ова ги принудува клучните светски извозници на овошје да бараат начини да влезат на овој прилично заштитен пазар на продажба и да инвестираат во промовирање на нивните производи во Виетнам”, вели Андриј Јармак, економист во Центарот за инвестиции на Организацијата за храна и земјоделство на Обединетите нации ( ФАО).
Во овој поглед, потпишувањето на договорот за слободна трговија помеѓу ЕУ и Виетнам се покажа како многу успешен потег за европските земјоделци. Ова им овозможи на европските производители на јаболка да влезат во огромен нов продажен пазар со високи цени.
На пример, по потпишувањето на договорот, Полска го зголеми снабдувањето со јаболка во Виетнам за пет пати во 2020 година – до 2,5 илјади тони. Дури и Франција, која долги години ја губи својата позиција на глобалниот пазар на јаболка, успеа да го зголеми тројно извозот на свежи јаболка во Виетнам на 11,4 илјади тони.
Главни извозници на јаболка во Виетнам остануваат САД и Нов Зеланд, нудејќи овошје со врвен квалитет и инвестирајќи во нивно промовирање и маркетинг на овој пазар со повеќе од 96 милиони луѓе. Двете земји заедно го дуплираа обемот на извоз на јаболка во 2020 година: САД – до 54 илјади тони, и Нов Зеланд – до 42 илјади тони.
