Малку подобар од очекуваниот раст поддржан од потрошувачката на домаќинствата, покажуваaт податоците на германскиот завод за статистика Дестатис.
Германскиот бруто домашен производ (БДП) на најголемата европска економија се зголеми за 0,4 % во третиот квартал од оваа година во споредба со претходниот квартал, според податоците објавени во петокот.
Бројката е малку подобра од првото читање за раст од 0,3%, првенствено поддржан од потрошувачката на домаќинствата, објави германскиот завод за статистика Дестатис.
Растот во третиот квартал беше поголем од растот од 0,1% во вториот квартал и покрај глобалните економски предизвици како пандемијата на Ковид 19, тесните грла во синџирите на снабдување, зголемените цени и руско-украинската војна.
Трошоците за финална потрошувачка на домаќинствата се зголемија за 1,0% квартално, бидејќи луѓето повеќе патуваа благодарение на олеснувањето на ограничувањата за Ковид 19.
На годишна основа, германската економија порасна за 1,3% во периодот јули-септември, 0,1 процентен поен повисок од првото читање, но понизок од растот од 1,7% забележан во периодот април-јуни, односно во вториот квартал.
Извор: Reuters
