Една третина (31%) од доматите продадени на пазарите на Европската унија (ЕУ) во првиот квартал од 2023 година биле од Мароко, 25% од Шпанија и 14% биле увезени од Турција, се вели во извештајот што го подготви Хортоинфо со податоци од статистичките служби Euroestacom (ICEX-Eurostat).
Тоа е прв пат во историјата во првите три месеци од годината, Мароко да продава повеќе домати од Шпанија на пазарите во ЕУ, со што стана најголем снабдувач на домати во ЕУ.
Обемот на шпански домати продадени во ЕУ помеѓу 1 јануари и 31 март 2023 година изнесува 160,94 милиони килограми, 67,33 милиони килограми помалку отколку во истите месеци од 2021 година – 29,5%). Вредноста на продажбата на шпански домати во ЕУ на анализираните датуми од 2023 година достигна 309 милиони евра, 40,21 милиони евра помалку од 2021 година (-11,51%).
Мароко продаде во ЕУ во текот на првиот квартал од 2023 година 196,48 милиони килограми, 17,45 милиони килограми повеќе отколку во првиот квартал од 2021 година (+9,74%). Вредноста на мароканскиот домат е зголемена за +62,43%, од 220,8 милиони евра добиени од продажбата на домати на заедничко земјиште во првите три месеци од 2021 година на 358,65 милиони евра во првиот квартал од 2023 година.
Турција во првите три месеци од годинава продала волумен од 89,7 милиони килограми домати за вредност од 140,61 милиони евра, Франција 55,17 милиони килограми за 114,42 милиони евра, Холандија 54,08 милиони килограми за 167,83 милиони евра, Германија 22,95 милиони килограми за 64,8 милиони евра и Италија 15,21 милиони килограми за вредност од 40,44 милиони евра.
Севкупно, земјите-членки на ЕУ меѓу 1 јануари и 31 март годинава купиле волумен од 641,04 милиони килограми домати, 18,47 % помалку од 2021 година, за вредност од 1.287,02 милиони евра и просечна цена од 2,01 евро за килограм.
Германија се повеќе дава приоритет на доматите од Мароко и го намалува купувањето од Шпанија и Холандија, покажуваат податоците на Хортоинфо.
Мароко е исто така главен снабдувач со домати во Велика Британија.
Во изминатите пет години германскиот увоз на домати од Мароко е зголемен за 73,16%, додека оние од Шпанија се намалени за 19,09% и оние од Холандија се намалени за 26,31%.
Мароко го зголемува производството на домати и земјоделски производи
Во 2018 година, а според податоците на мароканското Министерство за земјоделство, површината за градинарски култури била 250.000 хектари со вкупно производство од 7,5 милиони тони (2 од рано оранжериско производство и 5 милиони во сезоната, на отворено), а производството расте за околу 15% секоја година.
Планот за зелено Мароко, кој заврши оваа година, успеа да го постави земјоделството на околу 30% од БДП. Овој План подразбираше многу државни инвестиции во нови насади, но и во фабрики за десалинизација и наводнување кое е сега достапно на големи површини во Мароко.
Заради ниската цена на работната сила, но и добрата железничка поврзаност со европските пазари Мароко станува се поконкурентен на најголемите европски производители на зеленчук и овошје, како Шпанија, Италија и Холандија.
Мароко е северно африканска земја со 37 милиони жители, а работната сила број окколу 12 милиони жители, од кои близу 40% работат во земјоделието.
Доматите се главната извозна категорија за Мароко, а земјата постојано го зголемува обемот на извозот на домати веќе неколку години, пишува EastFruit.
Мароко стана петти најголем извозник на домати во 2021 година, а во 2022 година се искачи на третото место, престигнувајќи ги Иран и Шпанија и покажувајќи најголем пораст на извозот за една година (повеќе од 17%) меѓу сите земји.
