Во првите три месеци годинава од Македонија биле извезени јаболку во вредност од 4,3 милиони евра, што е за 15% помалку во споредба со вредноста на извозот на јаболки остварен во истиот период лани, кога извозот изнесувал 5 милиони евра.
Извезените количини на јаболка во странство во првите три месеци годинава се дури за 34% помали од лани, достигнувајќи 20 илјади тони. Во првите три месеци лани биле извезени 30,5 илјади тони јаболка.
Падот во голема мера се должи на забраната за увоз на македонските јаболка на рускиот пазар, кој традиционално беше најголем извозен пазар во изминатите години.
Според податоците од Државниот завод за статистика во првите три месеци годинава немало никаков извоз на јаболка во Русија. Најмногу јаболка во првите три месеци годинава биле извезени во Србија околу 5 илјади тони за 1 милион евра, Бугарија со извезени 4,1 илјади тони во вредност од 954 илјади евра и Бугарија со извезени 4,8 илјади тони во вредност од 935 илјади евра.
Минатата година извозот на јаболка изнесуваше 15,8 милиони евра, намалување за 15,8% во споредба со претходната 2021 година.
На почетокот на годинава од Министерството за земјоделие изјавија дека јаболките, праските и црешите се силно погодени од руската забрана за увоз од Македонија.
Според Трајан Димковски од Министерството за земјоделство, шумарство и водостопанство (МЗШВ), на рускиот пазар годишно извезуваме околу 15.000 – 20. 000 тони конзумно јаболко што е 50% од вкупниот извоз, праска пласираме 60% од вкупниот извоз, додека производството на цреша во целост оди за Русија.
“Земјава годишно на рускиот пазар извезува околу 15.000 – 20.000 тони конзумно јаболко прва класа или 50% од вкупниот извоз што е многу значајно. Се надеваме дека забраната ќе биде тргната. Следна е праската од чиј вкупен извоз 60 отсто оди исто така на рускиот пазар, а најлошата варијанта важи за црешата, која стопроцентно се извезува во Русија, буквално целото производство од 1 000 – 1 500 тони. Алтернативни пазари тешко може да се најдат за сите овие три култури, изјави Димковски.
Познавачите на состојбите велат дека тешко ќе се најдат алтернативни пазари бидејќи 80% од македонските јаболка се од сортатата ајдарет која може да помине само на рускиот и на некои од арапските пазари, а многу тешко можат да се најдат купувачи на европскиот пазар.
