Трошоците на живот во јануари биле зголемени за 1,5 %, а цените на мало за 1,2 %во однос на декември, објави денеска Државниот завод за статистика.
Ако се спореди, пак, со јануари 2021 година, податоците покажуваат раст на трошоците за живот од 6,7% и раст на цените на мало од 7,3%.
Најголем скок на цените во јануари во однос на претходниот месец, декември 2021 година, има кај воздухопловниот патнички транспорт, од дури 36,7%, гасот е поскап за 29,9%, течните горива за 28,2%, маслата за јадење кои во јануари годинава биле поскапи дури за 26%, компјутерите поскапеле за 21,3%, транспортните услуги за 20,3%, зеленчукот за 14,8%, овошјето за 11,3%, лебот и житните производи за 10,1%, топлинската енергија за 9,4%.
Гледано на месечно ниво, во јануари највисок скок на цените во однос на декември 2021 година имало кај централното греење за 14% и електричната енергија за домаќинствата за 9,4%.
