Текстилните работници во Бангладеш со повеќе од две недели се борат за повисоки плати, како резултат на насилните протести 150 текстилни фабрики беа затворени на неодредено време во саботата. Ова ќе има влијание врз брендовите како Зара или H&M, кои ја произведуваат нивната облека токму во Бангладеш.
Производителите стравуваат од дополнителни штрајкови на почетокот на новата работна недела во јужноазиската земја.
Работниците во бројните текстилни фабрики во земјава бараат зголемување на нивната минимална плата до најмалку 190 евра месечно, што би било три пати повеќе од сегашното ниво. Комисијата назначена од Владата во вторник најави зголемување на минималната плата од 56,25 % на 104 евра од декември.
Синдикатот на текстилните работници го отфрли ова како „неприфатливо“ со објаснување дека зголемувањето на платите не е компатибилно со зголемените трошоци за храна, станбена кирија, здравствена заштита и школарина.
Дака, главниот град на Бангладеш и неговите предградија се важен центар на текстилната индустрија. Многу западни брендови како Gap, Zara, H&M, Levi’s и Aldi се произведуваат таму. Земјата е еден од најголемите производители на текстил во светот со околу 3.500 фабрики за производство на текстилни производи и четири милиони луѓе вработени во оваа индустрија. Текстилот учествува со 85% од извозот на Бангладеш.
Извор: Manager Magazine
