Цените на нафтата се зголемија за повеќе од 5% на отворањето на тргувањето, откако ОПЕК + вчера објави дека го намалува производството за 1,16 милиони барели дневно.
Фјучерсите на суровата нафта „брент“ последен пат скокнаа за 5,07% на 83,95 долари за барел, а фјучерсите на американската „Вест Тексас интермедијт“ поскапеа за 5,17% на 79,59 долари за барел.
Зголемувањето дојде откако Саудиска Арабија, Ирак и неколку земји од Персискиот залив во неделата соопштија дека го намалуваат производството за повеќе од еден милион барели нафта дневно, поточно за 1,16 милиони барели дневно.
Покрај тоа, Русија соопшти дека ќе го продолжи намалувањето од половина милион барели дневно до крајот на годината.
За аналитичарите ова е изненадувачки потег што ќе предизвика моментален пораст на цените. За САД ова е непрепорачлив потегот.
Доброволните намалувања ќе започнат од мај до крајот на 2023 година, објави Саудиска Арабија, велејќи дека тоа е „мерка на претпазливост“ насочена кон стабилизирање на нафтениот пазар.
Според најавите, вкупниот обем на намалувања на ОПЕК +, заедно со оние кои сега се веќе во сила, ќе изнесува 3,66 милиони барели дневно, што е еднакво на 3,7 % од глобалната побарувачка.
„Планот на ОПЕК + за натамошно намалување на производството може повторно да ги поттикне цените на нафтата кон границата од 100 долари, имајќи го предвид повторното отворање на Кина и намалувањето на производството на Русија како одмазднички потег на западните санкции“, изјави аналитичарката на CMC Markets Тина Тенг за CNBC.
Тенг, сепак, истакна дека намалувањето, исто така, може да го смени падот на инфлацијата, што ќе ги „комплицира одлуките за стапката на централните банки“.
Развојот во неделата доаѓа еден ден пред виртуелниот состанок на министерскиот панел на ОПЕК +, во кој се вклучени Саудиска Арабија и Русија, и за кои се очекуваше да се придржуваат до намалувањата од 2 милиони барели дневно што веќе беа во сила до крајот на 2023 година.
Цените на нафтата минатиот месец паднаа до 70 долари за барел, што е најниско во последните 15 месеци, поради загриженоста дека светската банкарска криза ќе ја погоди побарувачката.
Сепак, не се очекуваше понатамошна акција на ОПЕК + за поддршка на пазарот.
Најновите намалувања би можеле да ги зголемат цените на нафтата за 10 долари за барел, изјави во неделата шефот на инвестициската компанија Pickering Energy Partners, додека нафтениот брокер PVM рече дека очекува итен скок откако ќе започне тргувањето по викендот.
„Очекувам пазарот да се отвори за неколку долари повисоко… веројатно и до 3 долари“, рече Тамас Варга од PVM.
Највисокиот производител на ОПЕК Саудиска Арабија соопшти дека ќе го намали производството за 500.000 барели дневно. Саудиското Министерство за енергетика соопшти дека доброволното намалување на кралството е превентивна мерка насочена кон поддршка на стабилноста на нафтениот пазар.
„ОПЕК презема превентивни чекори во случај на какво било можно намалување на побарувачката“, рече Амрита Сен, основач и директор на Energy Aspects.
Минатиот октомври, ОПЕК + се согласи на намалување на производството за 2 милиони барели дневно од ноември до крајот на годината, потег што го налути Вашингтон бидејќи заостреното снабдување ги зголемува цените на нафтата.
