Македонската компанија за производство на месни преработки “Пекабеско” објави дека во текот на минатата 2021 година работела со вкупни приходи од продажба од 77,8 милиони евра, кои се за 5% поголеми во споредба со 2020 година.
Најголемиот дел од приходите од продажба на Пекабеско или 87% се остварени од продажби на домашниот пазар, кои во 2021 година бележат раст од 4% и изнесувале 67,3 милиони евра.
Приходите од извоз и продажба на странски пазари на Пекабеско минатата година се зголемени за 8% и изнесувале 10,4 милиони евра.
Оперативните расходи на Пекабеско минатата година бележат раст од 5%, и изнесувале изнесувале 77,2 милиони евра, при што најголем раст од 16% има кај трошоците за вработени, но зголемување имало и кај трошоците за суровини и материјали и другите трошоци во работењето.
Минатата 2021 година Пекабеско работел со нето добивка од 1,3 милиони евра, што е за 25% помала во споредба со претходната 2020 година, што од компанијата го објаснуваат со зголемените оперативни трошоци.
Од Пекабеско информираат дека минатата година реализирале инвестиции во основни средства во износ од околу 553 илјади евра, при што главните вложувања се направени во производствена опрема и транспортни средства.
Изминатата година компанијата успеала да ја намали задолженоста, и тоа долгороќната за 34%, а краткорочната задолженост за 91%. На крајот на 2021 година во Пекабеско имало 475 вработени, големување за 10 во однос на претходната година,
Компанијата Пекабеско е меѓу 100-те најголеми извозници во земјата, која според извозот во 2020 година се најде 55-то место на листата Топ 100 Извозници.
