cargo-partner, член на групацијата на NIPPON EXPRESS HOLDINGS, INC., доби признание за посветеноста на одржливоста со Сребрениот медал EcoVadis, подобрувајќи го својот вкупен резултат од 58 на 72 поени. Ова достигнување ја става компанијата меѓу првите 8% од сите бизниси оценети од EcoVadis и во првите 3% од секторот „Други активности за поддршка на транспортот“.
„ESG е составен дел од нашата стратегија, а ова признание од EcoVadis ја потврдува нашата посветеност на одговорните деловни практики“, рече Лука Ферара, извршен директор на cargo-partner. „Ние континуирано работиме на минимизирање на нашето влијание врз животната средина, подобрување на ефикасноста и поддршка на нашите клиенти во постигнувањето на нивните цели за одржливост. Сребрениот медал не мотивира да продолжиме уште повеќе во нашите напори кон позелена иднина“.
EcoVadis е водечки светски провајдер на рејтинзи за корпоративна одржливост, оценувајќи над 125.000 компании во низа индустрии. Евалуацијата се фокусира на четири клучни области: животна средина, труд и човекови права, етика и одржливи набавки. Компаниите добиваат оценки на скала од 0 до 100, со медали кои се доделуваат врз основа на нивоата на изведба.
Од бронза до сребро за една година
Само минатата година, cargo-partner беше горд што го доби бронзениот медал EcoVadis, откако го подигна својот резултат од 44 на 58 поени. Најновото признание за сребрен медал ја одразува тековната посветеност на компанијата за одржливост, одговорни деловни практики и континуирано подобрување во областите на животната средина, социјалните практики како и управувањето.
cargo-partner активно ги намалува емисиите преку различни иницијативи, вклучително и користење на железнички транспорт, електрични камиони и алтернативни горива како што се одржливо воздухопловно гориво (SAF), одржливи морски горива (SMF) и хидро третирано растително масло (HVO). Компанијата има инсталирано и фотоволтаични системи на повеќе локации, а планирани се дополнителни проширувања низ европските магацини. Дополнително, cargo-partner iLogistics Center, отворен во 2018 година во близина на меѓународниот аеродром во Виена, беше целосно изграден од дрво, намалувајќи ги емисиите на CO₂ за 8.400 тони.
Како дел од својата заложба за одржливост, cargo-partner постигна 52% покриеност со ISO 14001 сертификат низ своите локации, вклучувајќи ја и канцеларијата во Скопје, обезбедувајќи усогласеност со меѓународно признатите стандарди за управување со животната средина. Како членка на Глобалниот договор на ОН, компанијата ги усогласува своите операции со универзалните принципи за човекови права, труд и одговорност за животната средина.
Гледајќи напред, cargo-partner е посветен на понатамошно унапредување на своите напори за одржливост, вклучувајќи амбициозни цели за намалување на емисиите до 2030 година, проширена употреба на обновливи извори на енергија и континуиран развој на зелени логистички решенија. Сребрениот медал EcoVadis означува важен чекор напред, засилувајќи ја улогата на cargo-partner како одговорен и фокусиран логистички провајдер во иднина.
За cargo-partner
cargo-partner, член на групацијата на NIPPON EXPRESS HOLDINGS, INC., е давател на инфо-логистика со целосен опсег кој нуди сеопфатно портфолио на решенија за воздушен, морски, копнен транспорт и складирање. Со повеќе од 40 години експертиза во информатичката технологија и оптимизација на синџирот на снабдување, компанијата дизајнира прилагодени услуги за широк опсег на индустрии за да создаде конкурентни придобивки за своите клиенти ширум светот. Основана во 1983 година, cargo-partner оствари обрт од над 1,3 милијарди евра во 2023 година и моментално вработува повеќе од 3.800 луѓе ширум светот.
