Производство на праска и нектарина се очекува да се намали за 1,1 милиони тони на 21 милиони тони во 2020/2021 година. Неповолните временски услови најмногу влијаат на намалување на производството во Кина и Европската унија, кои се најголеми производители на овие овошја . Тоа значи намалено глобално снабдување, што, пак, ќе ја намали светската трговија.
Производството во Кина се очекува да се намали за 500.000 тони на 14,5 милиони тони. Земјата имаше обилни паѓања на снег во април во повеќето провинции што одгледуваат праски. Тоа влијаеше врз производството на овошјето, заради што се очекува извозот од Кина да се намали за една третина, на 80.000 тони. Увозот во Кина се проценува дека ќе се зголеми за повеќе од 40%, до 38.000 тони.
Производството на праски и нектарини во ЕУ се очекува да се намали за повеќе од 600.000 тони, на 3,5 милиони тони. Главната причина е лошото време кое ги погоди Шпанија, Италија, Грција и Франција.
Во последниве неколку години имаше хиперпродукција на праски. Тоа доведе до намалување на засадените површини во Шпанија, Италија и Франција. Шпанските фармери дури дел од производство го заменија со насади со ореви.
Падот на производството треба да го намали извозот за 24.000 тони, на 155 000 тони. Но, увозот се очекува да се зголеми.
Турското производство, од друга страна, покажува раст шеста година по ред. Треба да се искачи за 40.000 тони на 870.000 тони. Тоа е благодарение на доброто време во земјата за време на цветањето и бербата на овошјето. Паралелен раст има и во извозот на праски и нектарини од Турција, кој се очекува да се зголеми за 40.000 тони. Извозот треба да достигне рекорд од 140. 000 тони, скоро тројно зголемување за четири години.
Помалку конкуренција се очекува во Русија. Тоа е благодарение на отсуството на Кина. Увозот во Русија се очекува во следниот период да се искачи до 200.000 тони, благо зголемување од претходните две години на намален увоз.
Извор: USDA
