Светскиот онлајн гигант за малопродажба Amazon ќе отвори логистички центар за е-трговија, Полска кој ќе се простира на 210.000 квадратни метри и преку кој ќе го опслужува целиот европски пазар. Објектот го гради полската компанија за недвижнини „Панатони“.
Логистичкиот центар, кој ќе биде лоциран во специјалната економска зона во Катовице и кој треба да се отвори во 2020 година, е седми по ред објект на Amazon во Полска и според Панатони ќе биде „рекорден“ од аспект на големината и функционалноста со цел да ги исполни нарачките на клиентите за мали и средни пратки, како книги и електроника, за целиот континент.
Објектот ќе биде изграден на четири спрата, а според Панатони ќе има напредна технологија Amazon Robotics, a 3.900 транспортни роботи ќе помогнат во складирање на производите и нарачките на полиците.
„Ваквиот пристап не само што значително придонесува за максимизирање на капацитетот на магацинот, туку помага и во намалувањето на времето за испорака на пратките“, информираат од Панатони.
Зградата исто така ќе биде опремена и со интелигентен систем за управување со згради (BMS) и сензори за движење.
„Полска беше првата земја во Европа каде беше испорачана технологијата Amazon Robotics во септември 2015 година. Со спроведување на вакви решенија, ја демонстрираме нашата посветеност да промовираме иновации во логистиката, во корист на нашите работници и клиенти“, вели Стивен Харман, заменик претседател за операции на континентална Европа во Amazon.
Инвестицијата ќе oотвори 1.000 работни места, покрај веќе постојните 16.000 вработени на Amazon во Полска. Технолошкиот гигант Amazon досега има инвестирано околу 3,3 милијарди евра во Полска.
