ArcelorMittal SA ги зголемува своите европски цени на челикот во обид да ги пренесе повисоките трошоци за енергија на клиентите.
Цените на топло валани калеми испорачани во ноември ќе бидат зголемени за 13% до 850 евра за тон. Овој потег, за кој првпат беше објавено од Argus Media, треба да ги надомести зголемените трошоци за производство делумно предизвикани од тековната енергетска криза во Европа.
И кај другите производи направени од најголемиот производител на челик на континентот ќе има покачување на цените, според Kallanish Commodities Ltd. Цената на челикот кој се користи во градежништвото и вообичаено се прави на многу енергетски интензивен начин, ќе се зголеми за 150 евра за тон, објави Каланиш.
Зголемените европски трошоци за електрична енергија ги повредуваат енергетски интензивните производители на метали на континентот, принудувајќи некои целосно да го запрат производството.
Претходно, производителите на челик успеваа да ги надоместат преку доплати и зголемувања на цените, но тоа може да стане потешко ако кризата предизвика намалување на побарувачката.
Извор: Bloomberg
