Глобалната трговија со стоки и услуги продолжи да расте во втората половина од 2025 година. Доколку проекциите се одржат, глобалната трговија оваа година ќе надмине 35 трилиони долари за прв пат – зголемување од околу 2,2 трилиони долари, или околу 7%, во споредба со 2024 година.
Трговијата со стоки ќе учествува со околу 1,5 трилиони долари од тој пораст, додека услугите се очекува да пораснат за приближно 750 милијарди долари, раст од речиси 9%.
ОН за трговија и развој (УНКТАД) очекува растот да остане позитивен во четвртиот квартал, иако со побавно темпо: 0,5% за стоки и 2% за услуги.
Претходните зголемувања делумно беа поттикнати од повисоките цени. Но, по зголемувањето два последователни квартали, се очекува цените на трговските стоки да се намалат во четвртиот квартал – што значи дека обемот, а не цените, ќе го движат растот на трговијата кон крајот на годината.
Гледајќи напред, се очекува моментумот да ослабне во 2026 година.
Побавниот глобален економски раст, растечкиот долг, повисоките трговски трошоци и континуираната неизвесност веројатно ќе влијаат врз трговските текови.
ПОВРЗАНИ НАПИСИ:
СТО: Царините предизвикуваат „невидено“ нарушување на правилата за глобална трговија
Глобалната трговија драстично ќе забави во 2026
СТО: Вештачката интелигенција може да ја зголеми глобалната трговија за 37% до 2040 година
