Бугарија е еден од најголемите извозници на скии и сноуборд во ЕУ, покажуваат најновите податоци на Евростат.
Во 2021 година во ЕУ се произведени 3,6 милиони пара скии и сноуборди, што е зголемување од 3% во споредба со претходната година. Речиси половина (1,6 милиони) се произведени во Австрија.
Што се однесува до трговијата, во 2021 година околу 3,5 милиони пара скии и сноуборди биле извезени во другите земји-членки. Истата година извозот на ЕУ во трети земји бил 2,3 милиони, а увозот надвор од заедницата – 0,8 милиони, покажуваат податоците.
Најголем извозник во ЕУ, и во земјите во и надвор од заедницата, е Австрија (2,09 милиони пара скии и сноуборди). Над една третина од вкупниот извоз отпаѓа на Австрија.
Следат Франција (648.700 или удел од 11%) и Бугарија (630.800 или удел од 11%).
Во споредба со 2020 година, Австрија има пад на извозот од 5%, Бугарија – пораст од 12%, а Франција забележала најголем пораст од 18%.
Над две третини од европското производство се извезува во САД. Следат Канада и Норвешка.
Извор: Eurostat
