Европската централна банка ја задржа својата референтна каматна стапка на 2 % по втор последователен состанок, додека официјалните лица го проценуваат влијанието на трговскиот договор меѓу ЕУ и САД.
Денешната одлука беше во согласност со очекувањата на економистите и дојде откако претседателката на ЕЦБ, Кристин Лагард, во јули изјави дека се префрлиле на режим на „чекање и набљудување“ откако ги намалија трошоците за позајмување осум пати од минатата година.
Централната банка немаше потреба да ја менува својата монетарна позиција со оглед дека економијата на еврозоната „се покажа како поотпорна од очекуваното“, додека инфлацијата беше под контрола.
Еврото беше стабилно на 1,168 долари по одлуката, прва откако ЕУ склучи трговски договор со американскиот претседател Доналд Трамп на крајот на јули.
Службениците на управниот совет на ЕЦБ се поделени околу влијанието на трговскиот договор меѓу ЕУ и САД, кој воведе царини од 15% за повеќето стоки од блокот.
Економијата на еврозоната порасна за 0,1% во вториот квартал, надминувајќи ги очекувањата. Инфлацијата во еврозоната се искачи на 2,1 % во август, надминувајќи ја целта на ЕЦБ од 2 % за прв пат од април.
