Кина уште еднаш ги отфрли царинските политики на американскиот претседател Доналд Трамп, зголемувајќи ги своите давачки за увозот од САД на повеќе од 80%.
Кинеската канцеларија на Царинската комисија на Државниот совет соопшти дека царините за американските стоки ќе се зголемат на 84% од 34% почнувајќи од утре, 10 април.
Ова доаѓа откако денеска, 9 април стапи на сила најновото американско зголемување на царините – кое ги носи давачките за кинеските стоки од повеќе од 100%.
Повторената ескалација на царините се заканува да ја запре трговијата меѓу две од најважните светски економии.
Администрацијата на Трамп минатата недела објави сеопфатна нова царинска политика и ги предупреди другите земји да не возвраќаат. Некои земји, вклучително и Јапонија, изгледаа подготвени да преговараат за царините, но се чини дека Кина зазема потврд став.
По првичниот одговор на Кина на царините објавен на 2 април, Трамп најави дополнително зголемување од 50%, со што вкупното ниво за кинески стоки е 104%.
Кина, заедно со Канада и Мексико, беа погодени со нови давачки претходно за време на претседателствувањето на Трамп, како дел од, како што вели администрацијата, обид да се спречи фентанилот да влезе во САД.
