Минатата година била добра за извозниците на зеленчук. Податоците од Државниот завод за статистики покажуваат дека лани сме извезле зеленчук во вредност од 71 милион евра, што е зголемување за 27,6% или 15,3 милиони евра за една година.
Најизвезуван зеленчук лани била зелката од што е остварени девизен прилив од 23 милиони евра. Статистичките податоци дека извозот на зелка лани бил зголемен за 50% во споредба со 2018 годинa.
Втор најизвезуван зеленчук лани биле пиперките, кои донелe прилив од 15,5 милиони евра. Продажбите на пиперки на странски пазари лани биле поголеми за 47,5% во споредба со 2018 година, кога извозот изнезувал 10,5 милиони евра.
Од извоз на свежи домати лани Македонија заработила 10,3 милиони евра, што е мало намалување од 3,4% во споредба со годината пред тоа.
Околу 6,2 милиони евра изнесува извозот на замрзнат зелечнук и е намален за 8,7% во споредба со 2018 година, додека извозот на сушен зеленчук изнесувал околу 4,8 милиони евра.
Од извоз на краставици и корнишони лани е остварен прилив од 3,4 милиони евра и тој бележи пад од 7,8%.
Лани сме извезле и свежи печурки за јадење во вредност 3 милиони евра годишно. Зголемување од 50% има и кај извозот на кромид, но вредноста на извозот се уште се ниски и лани изнезувале 1,9 милиони евра.
И извозот на компир лани е зголемен за 30%и изнесувал 1,1 милион евра
Останатиот дел од озвзоот на зеленчук има вредост помала од еден милион евра. Но, меѓу зеленчуците кои лани се ги извезувале се и модар патлицан во врендост од 475 илјади евра, спанаќ во вредност од околу 115 илјади евра, карфиол во вредност од околу 79 илјади евра, цвекло во вредност од околу 58 илајди евра, потоа лук, моркови, замрзната пченка, грав…
Минатата година македонските компании извезле храна и прехранбени производи во вредност од 367 милиони евра, што е за 47,7 милиони евра повеќе од претхдната 2018 година или зголемување од 15% за една година.
Увозот, пак, на храна лани бил за за 300 милиони евра поголем и на крајот на 2019 година достигна 670 милиони евра, што е годишен раст од 6,9% или за 43 милиони евра.
Ако се погледне структурата на извозот, податоците покажуваат дека најголем дел од извозот или над 122 милиони евра отпаѓа на свежо овошје и зеленчук.
