Компанијата „Макпрогрес“ од Виница планира да отвори Институт за истражување и развој на кадри за да им овозможи на младите од регионот професионално да се насочат, да се образуваат и полесно да се вработат.
Ова беше истакнато на отворениот ден за матурантите, што компанијата го организираше во соработка со граѓанската иницијатива „Сакам да останам“ од Битола. Средношколците од повеќе образовни насоки уште во текот на оваа зима или веднаш по завршувањето на средното училиште, преку практична работа ќе можат да се доусовршуваат за професии што се подобро платени.
– Отворањето на развојниот институт треба да овозможи унапредување и на производната програма, но и на непходните кадри во производството, како и соработка со старт-ап компании, можности за туристички посети, за презентации и слично. Се работи за Академија со три курса – менаџмент, продажба и маркетинг, мехатроника, како и во делот на прехранбената технологија каде ќе обучуваме наши вработени за контрола на квалитетот. Во моментот се подготвува техничкиот проект за Институтот и штом добиеме дозвола за градба очекуваме да биде готов во втората половина на идната година, истакна Глигор Цветанов, извршен директор на „Макпрогрес“.
Според Цветанов, одлична е веста за дополнителен додаток што ќе го обезбеди државата за младите доколку работат во производна компанија, со цел тие да се задржат во земјата, при што го посочи примерот со Виница каде е многу мал бројот на лица кои бараат работа и се иселуваат во странство.
Имено, компанијата „Макпрогрес“ со 760 вработени е еден од најголемите и најбрзорастечки капацитети од прехранбената индустрија, кој остварува и најголем извоз од државата, а идната година ќе одбележи 30 години од своето постоење.
Институтот за истражување и развој на прехрамбена кондиторска технологија има задача да го поттикне и унапреди создавањето на специјализирани кадри кои понатаму со својата експертиза ќе можат да се вклучат и да ги поттикнат иновативните процеси во прехрамбените компании во државата
Во Фабриката на Макпрогрес во Виница, потпретседателот на Стопанската комора на Македонија д-р Јелисавета Георгиева-Јовевска и Јадранка Аризанковска одговорна за прокети во Комората, остварија работна посета со директорите и сопственици на компнаијата Глигор и Александар Цветанови.
На средбата се разговараше за предизвиците со кои се соочува оваа компанија од секторот прехрамбена индустрија, при што од раководството на компанијата беше посочено дека еден од најголемите предизвизи и за нив е недостатокот на стручен кадар. Со цел соочување со тој предизвик Макпрогрес многу инвестира и развива нови проекти на тој план. Во контекст на ова за време на прославување на 30 години од нивното постоење, догодина се планира отварање на Институт за развој на прехрамбените технологии со цел да го поттикне и унапреди создавањето на специјализирани кадри кои понатаму со својата експертиза ќе можат да се вклучат и да ги поттикнат иновативните процеси во прехрамбените компании во државата.
Преку овој Инситут за истражување и развој на прехрамбена кондиторска технологија Макпрогрес ќе соработува со академии, институции, старт ап компании, ќе организира посети, како и специјализирани обуки и курсеви за продажба, менаџмент, маркетинг, мехатроника. Институтот ќе биде лоциран во кругот на управата на Макпрогрес и воедно ќе биде инкубатор на стручњаци во технолошко прехрамбената наука. Содржини и дејности на институтот се: Истражување и развој на прехрамбените технологии во пекарската и кондиторската индустрија, технолошко следење и аналитика, развој на нови производи, анализа на постоечки и нови сировини, тест проби со процесна опрема, сензорична и органолептичка анализа, едукација, обуки, тренинзи, семинари, размена на научни знаења и истражувања и соработка со други центри, факултети и институции.
Исто така, Макпрогрес по трет пат одржа отворен ден за професионално насочување на идните матуранти од СОУ Ванчо Прќе Виница кој настан има за цел да ги насочи професионално матурантите во високото образование на струки кои се подобро платени и да им ги презентира можностите за платена практична работа, времено и трајно вработување, како и стипендиите преку фондацијата “Свет крст“ во која Макпрогрес е меѓу најголемите донатори. Матурантите проследуваат кратки презентации од претставници од Макпрогрес, вработени на различни позиции кои ги споделуваат со нив своите професионални искуства.
