Човечката цена од избувнување на коронавирус во Кина е трагична и секојдневно се зголемува. Цената што бизнисот низ целиот свет ќе ја плати исто така би можела да стане сериозна во следните недели.
Многу производители од целиот свет се комплетно зависни од делови кои се произведувата во Кина. Експертите стравуваат дека многу фабрики низ целиот свет би можеле привремено да го запрат производството ако фабриките низ цела Кина останат затворени и следната недела.
Автомобилските фабрики се меѓу првите што го почувствуваа влијанието. Тоа е заради огромната големина на кинеската индустрија за автомобилски делови и фактот дека не можете да изградите автомобил со само 99% од неговите делови.
“Потребно е само еден дел што недостасува за производната линија да запре “, вели Мајк Дан, консултант во автомобилската индустрија во Азија и поранешен шеф на работењето на GM во Индонезија за CNNBusiness.
Тој вели дека во минатото имало многу примери каде проблеми како пожар или природна непогода затвораат една фабрика за снабдување со автоделови, да влијае на автомобилските фабрики ширум светот. Ова би можело да биде далеку полошо, во зависност од тоа колку станува широко распространето затворањето на фабриките заради вирусот.
Кина е главен снабдувач на делови за многу автомобилски компании ширум светот. Само во 2018 година испорачала скоро 35 милијарди долари делови за авто индустријата. Околу 20 милијарди долари кинески делови биле извезени само во САД во 2018 година, според Меѓународната администрација за трговија на Одделот за трговија. Додека некои од овие делови одат во продавници за малопродажба на делови, голем процент од нив одат на склопување и се користат за производство на автомобили.
Минатата недела Фиат Крајслер изјави дека има една европска фабрика под ризик од затворање заради недостаток на кинески делови во следните две до четири недели.
Сите други производители на автомобили велат дека внимателно ја следат ситуацијата во Кина, но дека е премногу рано да кажат какво ќе биде влијанието врз нивните глобални операции.
