Индустриските производствени цени во еврозоната скокнаа за 4% во јули во однос на претходниот месец јуни, што е најголем скок во последните четири месеци, покажуваат официјалните податоци објавени во петокот.
Бројката е многу повисока од претходните пазарни прогнози за раст од 2,5%.
„Индустриските производни цени во еврозоната во јули, во однос на јуни, се зголемени за 9% во енергетскиот сектор, за 1,2% за нетрајните производи за широка потрошувачка, за 0,9% за трајните производи за широка потрошувачка, за 0,8% за капиталните производи и за 0,1% за интермедијарни стоки“, се вели во извештајот на Евростат.
Највисоки месечни зголемувања на цените на производителите на индустриски производи се забележани во Ирска (+26,1%), Унгарија (+9,4%) и Бугарија (+8,0%), додека најголемо намалување е забележано во Португалија (-1,5%), Шведска (- 1,2%) и Луксембург (-0,9%).
На годишна основа, производствените цени на индустријата во еврозоната забележаа пораст од 37,9% во јули, според Евростат.
