Стопанската комора на Северна Македонија во соработка со Трговското одделение при Амбасадата на Австрија во Скопје на заедничка иницијатива организираат Македонско-австриски бизнис-форум.
Основната цел на бизнис-форумот е да се поттикне заедничката соработка меѓу реномираните австриски компании и македонските државни институции и компании, од областа на патната и железничката инфраструктура, со можност за видливи, применливи и практични решенија.
Со цел интензивирање на економската соработка меѓу Република Северна Македонија и Република Австрија, на Форумот свое обраќање ќе имаат претставници од државните институции, кои ќе ги презентираат актуелните и идни проекти од патната и од железничката инфраструктура.
Презентацијата и деловните средби ќе се одржат на 30 март 2022 година (среда), со почеток во 12:00 часот, во Стопанската комора на Северна Македонија, сала 4 на 5-ти кат.
Изјавите за медиумите се предвидени пред почетокот на настанот во 11:45 часот, од страна на Јадранка Аризанковска, менаџер во Стопанската комора на Северна Македонија, Ерика Теоман Бренер, раководител на Трговското одделение при Амбасадата на Австрија во Белград и Хари Локвенец, генерален директор на „Македонски Железници – инфраструктура“.
