Официјалните лица сигнализираат многу поагресивен пат на покачување на стапките за борба против инфлацијата која е на највисоко ниво во последните 40 години
Американските Федерални резерви (ФЕД) ја зголемија референтна каматна стапка за 0,75 процентни поени, што е најголем пораст на каматите од 1994 година. Со овој потег, референтната стапка на ФЕД ќе се зголеми во опсег помеѓу 1,5% и 1,75%.
ФЕД сигнализираше дека ако е потребно ќе продолжи со зголемувањето на каматните стапки со цел да се бори против инфлацијата која е на највисоко ниво во последните 40 години.
„Јасно е дека денешниот пораст од 75 базични поени е невообичаено голем и не очекувам потези од оваа големина да бидат вообичаени“, рече Пауел. Тој, сепак, додаде дека очекува на состанокот во јули да има зголемување од 50 или 75 базични поени”, изјави претседателот на ФЕД Џером Пауел.
Тој рече дека станува сè потешко да се постигне она што е познато како меко приземјување, во кое економијата забавува доволно за да ја намали инфлацијата додека избегнува рецесија.
„Нема да биде лесно“, изјави Пауел. „Сега има многу поголеми шанси тоа да зависи од фактори кои ние не ги контролираме. Флуктуациите и скоковите на цените на суровините би можеле да ја одземат таа опција од нашите раце“.
Официјалните лица, исто така, значително ги намалија изгледите за економскиот раст во 2022 година, и сега очекуваат зголемување на БДП од само 1,7% во БДП, што е намалување од проценката за раст од 2,8% од март.
Минатата недела, американските власти објавија дека индексот на потрошувачки цени се зголемилe за 8,6% во мај, поттикнатi од повисоките цени на енергијата. Зголемените цени на горивото и прекините на синџирот на снабдување од руската војна против Украина ги зголемија цените во последните месеци во САД, што создава загриженост кај американските финансиски власти кои веќе и јавно потврдуваат дека растот на цените ќе биде подолготраен и поширок отколку што првично се очекуваше.
Проекциите од средата покажаа дека функционерите на ФЕД очекуваат основната каматна стапка да достигне максимум на околу 3,75% до крајот на 2023 година, што е повеќе од стапката од 2,75% што официјалните лица ја проектираа во март.
Со вчерашното зголемување на каматната стапка референтната стапка на Банката на федерални резерви на се враќа на нејзиното ниво на почетокот на март 2020 година, пред ФЕД да ја намали на речиси нула бидејќи пандемијата Ковид-19 силно ја погоди американската економија.
