Под мотото „Царина се грижи за одржливост на граѓаните, просперитетот и планетата“, Царинската управа денеска го одбележи Меѓународниот ден на Царината истакнувајќи ги важните определби на кои ќе се фокусира во работењето важна институција и доделувајќи благодарници на повеќе вработени и надворешни соработници за нивните придонеси.
Ширум светот Меѓународниот ден на Царината се прославува на 26-ти јануари со посебни организирани активности, а оваа година се празнува под слоганот „Царина се грижи за одржливост на граѓаните, просперитетот и планетата“, со посветеност на заедничките заложби за обезбедување на меѓународниот синџир на снабдување и обезбедување на современите и посебни потреби на граѓаните и општеството.
Директорот на Царинската управа, Ѓоко Танасоски додели благодарници од Генералниот секретар на Светската царинска организација на Кунио Микурија, на лица и институции и организации кои со своите активности се имаат издвоено како доста заслужни во проактивното делување за обезбедување на одржлив напредок за граѓаните, општеството и планетата.
“Како Царинска управа, во наредниот период ќе вршиме притисок врз сите институции да се продолжи кон целосна дигитализација која е неопходна за работењето во иднина”, истакна директорот на Царинската управа, Ѓоко Танасоски.
Согласно годинашнава тема, девет царински службеници добија благодарници заради нивната максимална посветеност и ангажираност на ова поле.
Листа на Царински службеници на кои им беа доделени благодарници
Покрај царинските службеници, за најголема поддршка при примената на Новиот систем за обработка на царински декларации и акцизни документи – СОЦДАД и промена кон дигитална трансформација како и за успешна соработка и забележани позначајни економски резултати, благодарници беа доделени и на единаесет надворешни институции и компании, меѓу кои Стопанската комора на Македонија, Сојузот на стопански комори, Економскиот факултет, Асоцијацијата за е-трговија и Asseco и други.
Листа на компаниии и институциии на кои им беа доделени благодарници.
